Acerca de min

Sobre min non hai moito que contar. Chámome Paulo González Ogando, e son licenciado en Matemáticas e profesor de Matemáticas no ensino secundario.

Ademais de por formación e por traballo, dedico unha parte do meu tempo libre ás Matemáticas tamén por devoción, e froito diso foron agromando cousiñas que me gusta compartir na rede con todo aquel que esté interesado.

Así, ademais deste blog manteño tamén a páxina paulo.gal de material didáctico para as aulas, que inclúe un apartado no cal colgo todas as actividades que elaboro usando o GeoGebra.

Podes consultar o meu perfil en Google Académico, onde están recompilados os artigos que publiquei en revistas. Tamén escribín e publiquei un par de libros, ambos relacionados coas matemáticas:

• Bocados matemáticos (Xerais, 2022)
• Matemáticas y deporte (Catarata, 2022)